गोरखा, १२ जेठ । गोरखा नगरपालिका ९ ठिगुरेश्वारामा स्कुटर र मोटर साइकल एक आपसमा ठाोकिदाँ दुई जना घाइते भएका छन् ।
जिल्ला प्रहरी कार्यालय गोरखाले दिएको जानकारी अनुसार लक्ष्मीबजारबाट गोरखा बजार तर्फ आउदै गरेको बा. ५७ प ४०८६ नम्बरको मोटर साइकल र गोरखा बजारबाट लक्ष्मीबजार तर्फ जादै गरेको ग. २२ प ८००१ नम्बरको स्कुटर ठिगुरेश्वाराको प्रतिक्षालय मोड दुर्घटनामा परेको हो ।
दुर्घटनामा परी गोरखा नगरपालिका ९ लक्ष्मीबजार निवासी १६ बर्षिया आदेश आलेको हात भाँचिएको छ भने शहिद लखन गाउँपालिका ५ को छापथोक निवासी २२ बर्षिय प्रताप थापाको खुट्टा भाँचिएको हो ।
दुर्घटना दिउँसो ५ः४४ बजे भएको भएको हो । घाईते दुबैको गोरखा अस्पतालमा उपचार भई रहेको छ । दुबै सवारी साधनलाई प्रहरीले नियन्त्रणमा लिएको जिल्ला प्रहरी कार्यालय गोरखाले जनाएको छ ।
