चितवन १७, असोज । गोरखाकी एक युवतीको ट्रकको ठक्करबाट मृत्यु भएको छ । चितवनको दासढुङमा भारतीय ट्रकले स्कुटरलाई ठक्कर दिदाँ स्कुटरमा सवार गोरखा नगरपालिका ९ बस्ने २१ वर्षीया अन्जु घर्ती मगरको मृत्यु भएको चितवन प्रहरीले जनाएको छ ।
भरतपुर महानगरपालिका २९ को दासढुंगास्थित सडकमा भारतीय नम्बरको आरजे ०५ जीबी ४८८१ लहरीले प्रदेश ०३–००४ प ४०१७ नम्बरको स्कुटरलाई शनिबार बिहान ठक्कर दिएको थियो । दुर्घटनामा परी गम्भीर घाइते भएकी अन्जुको नयाँ मेडिकल कलेज भरतपुरमा उपचारको क्रममा मृत्यु भएको हो ।
सोही दुर्घटनामा घाइते भएका स्कुटर चालक उनकै श्रीमान २४ वर्षीय श्रीराम रानाको सोही अस्पतालमा गंभिर अवस्थामा उपचार भइरहेको छ । दुुर्घटनामा संलग्न लहरी र त्यसका चालकलाई प्रहरीले नियन्त्रणमा लिएको चितवन प्रहरीले जनाएको छ ।
