काठमाडौँ, २४, भदौं । नेपाली काग्रेसको महामन्त्रि पदमा बिश्व प्रकाश शर्माले पनि उमेद्वारी घोषणा गर्नुभएको छ । पार्टीका प्रवक्ता समेत रहनु भएका शर्माले आज सुन्दरीजलस्थित बीपी संग्रहालय पुगेर आसन्न १४औं महाधिवेशनका लागि महामन्त्री पदमा उम्मेदवारी घोषणा गर्नुभएको हो ।
बीपी कोइरालाको १०८औं जन्मजयन्तीको अवसरमा बिहीबार बीपी संग्रहालयले आयोजना गरेको कार्यक्रममार्फत शर्माले महामन्त्रीमा उम्मेदवारी घोषणा गर्दै युवा नेताको नेतृत्वमा कांग्रेसलाई देशकै सबैभन्दा ठूलो पार्टी बनाउने उद्घोष समेत गर्नुभयो । नेता थापाले यस अघि नै महामन्त्रि पदमा उमेद्वारी घोषणा गरिसक्नु भएको छ ।
प्रवक्ता शर्माले उमेद्वारी घोषणा गरेसंगै अब काग्रेसका महामन्त्रि पदमा शर्मा र नेता गगन थापाको भीडन्त हुने निश्चित भएको छ । पार्टीका अर्का युवा नेता प्रदिप पौडेल, नेता डा. मिनेन्द्र रिजाल लगायतले महामन्त्रिमा उमेद्वारीको घोषणा गर्ने तयारी गरिरहेको काग्रेस निकट स्रोतले जनाएको छ ।
