साउन १४, गोरखा । नेपाल विद्युत प्राधिकरणको गोरखा बितरण केन्द्रमा रहेको मुख्य ट्र्रान्सर्फमर बिग्रिएर गएको ५ दिनेदेखि जिल्ला भर अबरुद्ध बिद्युत सेवा आजदेखि सूचारु हुने भएको छ । नयाँ ट्र्रान्फर्मर जडान भएपछि नियमित विद्युत प्रसारण गर्न सुरु गरिएको कार्यालयका प्रमुख नेत्रमणि न्यौपाने जानकारी दिनुभयो ।
६/८ एमभिएको ट्र्रान्फर्मर बिग्रिएपछि त्यतिनै क्षमताको नयाँ ट्र्रान्फर्मर जडान गरी विद्युत प्रसारण गरिएको हो । ट्र्रान्सफर्मर बिग्रिएका कारण जिल्लाका अधिकाँश क्षेत्रमा गएको साउन ९ गते बिहानदेखि विद्युत सेवा बन्द रहेको थियो । बिद्युत सेवा अबरुद्ध हुदा जिल्ला भित्रका सञ्चारमाध्यम समेत प्रभावित भएका थिए ।
