काठमाण्डौ १३, साउन । प्रहरीले ट्राफिक प्रहरीलाई प्रलोभनमा पार्न खोज्ने सवारी चालकहरु पक्राउ गरेको छ । कलंकी, खसिबजार स्थित सडक खण्डमा डियुटीमा खटिएका ट्राफिक प्रहरी हवल्दार बिनोद गोतामेलाई प्रलोभनमा पार्न खोज्दै सवारी चालकलाई पक्राउ गरेको हो ।
सु.प्र.-०१-००१ ख २४७३ नम्बरको भाडा ट्रक जिल्ला डडेलधुरा बस्ने बर्ष २४ को कर्ण पाललाई र ना ५ ख ५१४२ भाडा बस जिल्ला बारा बस्ने बर्ष ३७ को मोहम्मद अन्सारीलाई सवारी तथा यातायात व्यवस्था ऐन अन्तर्गत दुवै चालक लाई सडक पार्किङ्गमा कारवाही गर्न खोज्दा निज चालकहरुले रु १ सय र रु ५ सय रुपैया घुस दिन खोजेको प्रहरीको भनाई छ ।
आर्थिक प्रलोभनमा पार्न खोजेकोले निज चालकहरुलाई पक्राउ गरी आवश्यक कारवाहीको लागि महानगरीय प्रहरी प्रभाग कलंकीमा बुझाईएको प्रहरीले जनाएको छ ।
