गोरखा ३, साउन । गोरखामा दिदी लिन गएका एक युवकलाई खोलाले बगाएर बेपत्ता बेपत्ता बनाएको छ । खोला तर्ने क्रममा काठे पुलबाट खसेर चुमनुब्री गाउँपालिका ३ घट्टेखोलाका ३० वर्षीय विजय गुरुङ बेपत्ता भएको प्रहरीले जनाएको छ । ठाडो खोलामा रहेको पुलबाट खसेर गुरुङ बेपत्ता भएको प्रहरीले जनाएको छ ।
दिदीको घरबाट दिदीलाई ल्याउने क्रममा शुक्रबार राति अन्दाजी ११ बजे गुरुङ पुलबाट खसेको प्रहरीको भनाइ छ । घटनास्थलमा शनिबार बिहानदेखि खटिएको प्रहर टोलीले खोजतलास जारी राखेको र घटना बारे अनुसन्धान गरिरहेको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक नरबहादुर केसीले जानकारी दिनु भएको छ ।
