गोरखा ३०, असार । गोरखाकी एक महिला मोटरसाईकलको ठक्करबाट आज घाइते हुनुभएको छ । जिल्लाको शहिद लखन गाउँपालिका ५ बस्ने ४० बर्षिया ओममायाँ थापा मोटरसाईकलको ठक्करबाट घाइते हुनु भएको हो ।
तनहुँको आँबुखैरेनी दिउसो १ः३० बजे गोरखा तर्फ जादै गरेको बा ६३ प ९८०६ नम्बरको मोटर साइकलले ठक्कर दिदा उहाँ घाइते हुनुभएको हो ।
आँबुखैरेनी गाउँपालिका ३ को तल्लो बजार क्षेत्र मोटरसाईकलको ठक्करबाट घाइते हुनुभएकी थापाको आँबुखैरेनीमा सामान्य उपचारपछि थप उपचारकोलागि चितवन मेडिकल कलेज भरतपुर लगिएको आँबुखैरेनी प्रहरीले जानकारी दिएको छ । ठक्कर दिने मोटर साइकल र चालकलाई प्रहरीले नियन्त्रणमा लिएको छ ।
