गोरखा, २३ असार : उत्तरी गोरखाको सामागाँउमा कार्यरत एक प्रहरी जवान बेपत्ता हुनुभएको छ । चुमनुव्री गाउँपालिका स्थित सामागाँउ प्रहरी चौकीमा कार्यरत प्रहरी जवान मोहनसिंह कुँवर गएको असार १ गतेदेखि सम्र्पक बिहिन भएको जिल्ला प्रहरी कार्यालय गोरखाका प्रमुख प्रहरी उपरीक्षक (एसपी) शेखर खनालले जानकारी दिनुभयो ।
कञ्चनपुर जिल्लाको बेलकोट नगरपालिका वडा नम्बर २ घर भएका प्रहरी जवान कुँवर घर बिदाबाट फर्किएर कार्यक्षेत्रमा सामागाउँ जान भनि हिडेको भएपनि अहिलेसम्म कार्यक्षेत्रमा नपुगेको र सम्र्पकमा पनि नआएको उहाँले बताउनुभयो ।
कुँवर धार्चे गाउँपालिकाको तातोपानी क्षेत्रसम्म पुगेको भन्ने सूचना प्राप्त भएको भएपनि त्यहाँबाट कहाँ गए भन्ने बारेमा खुल्न नसकेको एसपी खनालले बताउनुभयो । सम्र्पक बिहिन भएका प्रहरी जवान कुँवरको खोजी कार्य तिव्र पारेको उहाँको भनाई छ ।
‘इलाका प्रहरी कार्यालय आरुघाटका प्रहरी निरीक्षकको कमाण्डमा प्रहरी टोली नै परिचालन गरेर खोजी कार्य भइरहेको छ, एसपी खनालले भन्नुभयो, अहिलेसम्म फेला पार्न सकिएको छैन ।’
