धादिङ ६, असार । सहायक वन अधिकृत ४० हजार रुपैयाँ घुससहित पक्राउ परेका छन् । धादिङको निलकण्ठ सवडिभिजन वन कार्यालयका सहायक वन अधिकृत आठौं तह (कार्यालय प्रमुख) कृष्ण प्रसाद पौडेल ४० हजार रुपैयाँ घुस रकमसहित पक्राउ परेका हुन् ।
पक्राउ परेका पौडेलले फर्निचर उद्योगमा चिरानको लागि ल्याएको काठको सम्बन्धमा’ अनुसन्धान गर्ने भनि कागजात तयार गरी वन कार्यालयमा लगे पश्चात मुद्दा मिलाउन ४० हजार रुपैयाँ माग गरेको अख्तियार दुरुपयोग अनुसन्धान आयोगले जनाएको छ। उनलाई बिशेष सूचनाका आधारमा पक्राउ गरिएको जनाइएको छ ।
