उदयपुर ४, असोज । प्रहरीले अबैध हतियार सहित जनता समाजबादी पार्टीका नेता पक्राउ परेका छन् । पार्टीका उदयपुरका जिल्ला कमिटी सदस्य परशुराम चौधरी स्वचालित हतियारसहित पक्राउ परेको प्रहरीले जनाएको छ ।
त्रियुगा नगरपालिका–३ मोतिगढाबाट बिहीबार मध्याह्न चौधरीलाई पक्राउ गरिएको जिल्ला प्रहरी कार्यालय उदयपुरका प्रहरी उपरीक्षक भीमबहादुर दाहालले जानकारी दिनुभयो ।
चौधरीको घरबाट मेडिन यूएस लेखिएको एक थान अटोमेटिक (स्वचालित) पेस्तोल र त्यसमा लाग्ने ५ राउन्ड गोली बरामद भएको छ । पक्राउ परेका चौधरी माथि थप अनुसन्धान भइरहेको प्रहरीले जनाएको छ ।
