गोरखा १९, जेठ । नेकपा माओबादी केन्द्रका केन्द्रिय सदस्य एव प्रतिनिधि सभाका सांसद चुडामणी खड्का (प्रकाश) ले गोरखाको पालुङटार नगरपालिका र नगरपालिका भित्र बिभिन्न संघसंस्थाहरुलाई करिब १५ लाख रुपैया बराबरको स्वास्थ्य सामग्री हस्तान्तरण गर्नुभएको छ । कोरोना संक्रमणबाट नागरिकहरुको स्वास्थ्य सुरक्षामा सहयोग पु¥याउन नेता खड्का सहितको टोलीले आज पालुङटार नगरपालिका, आपँपिपल अस्पताल लगायतका क्षेत्रमा पुगेर स्वास्थ्य सामग्री बितरण गरेको हो ।
पालुङटार नगरपालिका क्षेत्र भित्र पछिल्लो समय कोरोना संक्रमितको सख्ंया बढ्दै गएपछि नेता खड्का आफ्नै पहलमा स्वास्थ्य सामग्री बोकेर आइपुग्नु भएको हो । नेता खड्काले पालुङटार नगरपालिकालाई २ थान कन्सन्ट्रेटर, मास्क, सेनिटाइजर, पिसिइसेट लगायतका अत्याबश्यक औषधी उपलब्ध गराउनु भएको नगरपालिकाकी उपप्रमुख पम्फा बसेलले जानकारी दिनुभयो ।
आँपपिपल अस्पताललाई बुधबार स्वास्थ्य सामग्री प्रदान गर्नुहुदै सांसद चुडामणी खड्का (प्रकाश)
त्यस्तै आजै उहाँले आँपपिपल अस्पतालमा १ थान कन्सन्ट्रेटर सहितका अत्याबश्यक सामग्री उपलब्ध गराइएको जानकारी दिनुभयो । उता आँपपिपल स्वास्थ्या चौकीलाई पनि एक थान कन्सन्ट्रेटर सहित स्वास्थ्य सामग्री उपलब्ध छ । पालुङटार नगरपालिका वडा नम्बर २ को कार्यालयलाई पनि अक्सोमिटर, मास्क, सेनिटाइजर लगायतका औषधी उपलब्ध गराएको नेता खड्काले जानकारी दिनुभयो ।
पालुङटार नगरपालिकालाई बुधबार स्वास्थ्य सामग्री प्रदान गर्नुहुदै सांसद चुडामणी खड्का (प्रकाश)
खड्काले कोरोना परीक्षणका बिभिन्न संघसंस्थालाई गरि करिब एन्टिजेन किट ७ सय थान, पिपिई १ सय थान, फेस सिल्ड ५सय थान, सेनिटाईजर ५ सय लिटर, बुट लगायतका अत्याबश्यक औषधीहरु जिङ्क ट्यावलेट, मिटामिन सि भिटामिन डि लगायतका उपलब्ध गराइएको बताउनुभयो ।
