गोरखा,६ बैशाख । नेपाल बिधार्थी संघ गोरखाले ५२ औं स्थापना दिवसको अबसरमा बिपतमा परेको परिवार र असाहाय बिधार्थीहरुलाई शैक्षिक समाग्री प्रदान गरेको छ । नेबिसंघले शनिबार हावाहुरीले घरको छाना उडाएर क्षति पु¥याएको जिल्लाको अजिरकोट गाउँपालिका–४ सिम्जुङका आसमान गुरुङको परिवारलाई २ बण्डल जस्तापाता उपलब्ध गराएको सचिव मिलनसिंह बस्नेतले जानकारी दिनुभयो ।
गुरुङको परिवारलाई तत्काल राहात पु¥याउने उद्देस्यले सहयोग प्रदान गरिएको उहाँले बताउनुभयो । त्यस्तै दिवसकै अबसरमा पारेर गोरखा नगरपालिका–६, स्थित बालमन्दिर माध्यामिक बिधालयमा अध्ययनरत असाहाय बिधार्थीहरुलाई शैक्षिक समाग्री समेत बितरण गरेको सचिव बस्नेतले जानकारी दिनुभयो ।
नेबिसंघ गोरखाका जिल्ला अध्यक्ष सुवास अधिकारीको अध्यक्षतामा एक कार्यक्रमको आयोजना गरि शैक्षिक सामाग्री बितरण गरेको उहाँले बताउनुभयो । कार्यक्रममा नेपाली काग्रेस गोरखा क्षेत्र नम्बर २ का सभापति गोबिन्द गुरुङ, नेपाल शिक्षकसंघका पूर्व केन्द्रीय सदस्य लुमनाथ लामिछाने, प्यापसन गोरखाका अध्यक्ष सिताराम तिवारी, नेपाल शिक्षक संघ गोरखाका अध्यक्ष शिव थापा लगायतको सहभागिता रहेको थियो ।
