संगम तिवारी
गोरखा ३१, चैत । गोरखाको शहीद लखन गाउँपालिका वडा नं ९ नाम्जुङको छेलाङे चोक नजिक विहानी कक्षा पढेर घर फर्केका स्कुल बालकको ट्याक्टरबाट खसेर ज्यान गएको छ । श्री सरस्वती आधारभूत विद्यालय नामजुङ कक्षा ७ मा अध्ययनरत १३ वर्षिय विवस ढकालको घैरुङ तिरबाट नाम्जुङतर्फ आईरहेको ग १ त ४५८२ नम्बरको ट्याक्टरमा विद्यालयबाट घर फर्कदा करिव एक सय मिटरको दुरीमा घटना घटेको विद्यालयका प्रधानाध्यापक ऋषि लामिछानेले जानकारी दिनुभयो ।
विहानी कोचिङ कक्षा पढेर घर फर्कदा टयाक्टर आएपछि अगाडि चढेका रहेछन्, गिएर परिवर्तन गर्ने क्रममा पछाडितिरको ढालामा टाउको ठोकिएर ज्यान गएको हुन सक्ने स्थानीयबासी रमेश लामिछानेले जानकारी दिनुभयो । घटनाको छानविन गर्न प्रहरी कार्यालय बँुकोटबाट प्रहरी आएर टयाक्टर चालकलाई नियन्त्रणमा लिएको प्रहरी कार्यालय बुङकोट जनाएको छ ।
