रोल्पा, १५ माघ । रोल्पा नगरपालिका– १ भदौरे मन्दिरको घुम्तीनजिक तेल बोक्ने ट्याङ्कर दुर्घटना हुँदा एक जनाको मृत्यु भएको छ । दुर्घटनामा परि ट्याङ्करका चालक ४५ वर्षीय हरभजन सिंहको मृत्यु भएको जिल्ला प्रहरी कार्यालय रोल्पाले जनाएको छ ।
दुर्घटनामा परि गम्भीर घाइते भएका सिंहलाई उपचारका लागि अस्पताल लैजाँदै गर्दा बाटोमै मृत्यु भएको हो । दुर्घटना घाइते भएका ट्याङ्करका सहचालक रुपैडियाका १९ वर्षीय सुनिल शंकर अबस्था भने सामान्य रहेको प्रहरीको भनाई छ ।
नेपालगञ्ज डिपोबाट तेल बोकेर आएको ना ४ ख २२५७ नम्बरको ट्याङ्कर सडकदेखि करिब ५० मिटर तल खसेको रोल्पा प्रहरीका प्रवक्ता सन्तोष केसीले जानकारी दिनुभयो ।
