गोरखा, ८ कात्तिक । गोरखामा म्यादी प्रहरीको तालिम सम्पन्न भएको छ । जिल्ला प्रहरी कार्यालय गोरखाले गत असोज ३० गतेदेखी आसन्न निर्वाचनका लागि छनोट भएका म्यादी प्रहरीहरुलाई दिएको तालिम आज एक कार्यक्रम गरी सम्पन्न गरिएकोे प्रमुख प्रहरी उपरीक्षक (एसपी) केदार खनालले जानकारी दिनुभयो ।
समापन कार्यक्रमलाई सम्बोधन गर्दै एसपी खनालले निर्वाचनलाई उच्च मनोबलका साथ निष्पक्ष र भयरहित तवरले सम्पन्न गराउन प्रहरी तथा म्यादी प्रहरी कर्मचारीहरुलाई निर्देशन दिनुभयो ।
प्रतिनिधिसभा तथा प्रदेश सभा निर्वाचनको सुरक्षाका लागि म्यादी प्रहरीको छनोट गरिएको हो । छनोटमा परेकाहरुलाई सदरमुकाम स्थित रङशालामा तालिम दिएको थियो । तालिम १० दिन सम्म चलेकोे उहाँले बताउनुभयो ।
