गोरखा, ७ असोज । गोरखा सदरमुकाममा यात्रुहरुको साहायताका लागी प्रहरीले साहायता कक्ष स्थापना गरेको छ । जिल्ला प्रहरी कार्यालय गोरखाले नजिकिदै गरेको नेपालीहरुको महान चाड बडादशै, शुभ दिपावली तथा छठ पर्वको अवसरमा यात्रुहरुका सेवा र परामर्स प्रदान गर्न साहायता कक्ष स्थापना गरेको हो ।
चाडबाँडका बेला सवारी साधनको चाप बढ्ने भएकाले बसपार्क लगायत बजार क्षेत्र तथा टिकट काउन्टरमा हुने भीडभाड, बढी भाडा लिने, यात्रु ठगिने लगायतका कार्यलाई नियन्त्रण गर्न र नागरिकहरुको समस्यालाई तत्काल सुनुवाई गोरखा नगरपालिका वडा नम्बर ६ बसपार्कमा यात्रु सहायता कक्ष स्थापना गरिएको कार्यालयले जनाएको छ ।
