गोरखा, ३० भदौ । गोरखाको मझुवामा जिपको ठक्करबाट एक युवकको मृत्यु भएको छ । गोरखा–आँबुखैरेनी सडक खण्ड अन्तरर्गत पर्ने वडा नम्बर १३ स्थित मझुवा प्रहरी चौकी नजिकै बुधबार बोलेरो जिप र मोटरसाईकल एक आपसमा ठक्कर खादा गम्भीर घाइते हुनुभएका मोटरसाइकल चालक गोरखा नगरपालिका वडा नम्बर ७ निवासी १८ बर्षिय आशिष बस्यालको मृत्यु भएको हो ।
गम्भिर घाईते भएका मोटरसाईकल चालक बस्यालको उपचारको क्रममा मृत्यू भएको जिल्ला प्रहरी कार्यालय गोरखाका प्रहरी नायव उपरिक्षक एवं सुचना अधिकारी लिलाराज लामिछानेले जानकारी दिनुभयो ।
बस्यालको उपचारको क्रममा नै बुधबार नै मृत्यु भएको हो । गोरखाबाट आवुखैरेनी तर्फ जाँदै गरेको ग. २ च २२९१ नम्बरको बोलेरो जिप र आँबुखैरेनीबाट गोरखा बजार तर्फ आउँदै गरेको बा. ५६ प २४०८ नम्बरको मोटसाईकल एक आपसमा ठक्कर खाएको जिल्ला ट्राफिक प्रहरी कार्यालय गोरखाले जानकारी दिएको छ ।
