गोरखा, १७ भदौं । गोरखाको भीमसेन थापा गाउँपालिकामा किसानले पालेको माछा पोखरीबाटै चोरी भएको छ । बुधबार राती गाउँपालिकाको वडा नम्बर ५ बगुवा स्थित कालीमाटीमा स्थानीय कृषक सूर्यबहादुर बोहोरको माछा पोखरीबाट माछा चोरी भएको प्रहरीले जनाएको छ ।
पोखरी नजिक निर्माण गरिएको जस्ता चोरी भएको टहरा
‘करिब डेढ सय किलो जति माछा चोरी भएको छ, सूर्यबहादुरका छोरा दीपक बोहोराले, ‘कसले चोरी गर्यो भन्ने बारेमा भने एकिन भएको छ ।’ गएको चैतमा नै माछाका भुरा छोडिएका पोखरीबाट माछा चोरी भएको उहाँले बताउनुभयो । ‘भर्खरै माछाको भुरा छोडिएको तीन वटा पोखरीमा चलाइएको छैन, उहाँले भन्न्नुभयो,‘जुृनजुन पोखरीका माछा अलि ठूलो भएको थियोे ति पोखरीबाट माछा चोरी भएको छ ।
माछा संगै पोखरी नजिक निर्माण गरिएको ठहराको जस्ता समेत चोरी भएको उहाँले बताउनुभयो । पोखरीबाट करिब ७५ हजार रुपैया बराबरको माछा चोरी भएको अनुमान गरिएको बोहोराले जानकारी दिनुभयो ।
