गोरखा, १२ भदौ । गोरखासहित देशभरका सामुदायिक विद्यालयमा विद्यालय कर्मचारी परिषद्ले तालाबन्दी गरेको छ ।
विभिन्न जिल्लामा तालाबन्दी भएको र उपत्यकामा पनि तालाबन्दी गरिरहेको परिषद्ले जनाएको छ ।
उपत्यकाको विद्यालय तालाबन्दी गर्नको लागि ४१ सदस्यीय समिति गठन भएको परिषद्का महासचिव शान्तिनाथ योगिले जानकारी दिनुभयो ।
जिल्लामा तालाबन्दी गरिसकेको साथै उपत्यकाका विद्यालय बन्द गर्न अनुरोध गरिएको उहाँले बताउनु भयो ।
जबर्जस्ती ताला लागाउँदा उत्पन्न हुने परिस्थितिको जिम्मेवार सरकारले लिनुपर्ने उहाँको भनाइ छ ।
सरकारले तलबमा विभेद गरेको भन्दै विद्यालय कर्मचारीहरु यही भदौ १ गतेदेखि आन्दोलित हुँदै आएका छन् । उनीहरूको माग सम्बोधन नभएसम्म निरन्तर आन्दोलन गर्ने अडान लिंदै आएका छन् ।
