गोरखा, १६ असार । वर्षका कारण सडक भासिए पछि आज बिहानदेखि गोरखा— आरुघाट सडक खण्डमा यातायात अवरुद्ध भएको छ । गोरखा नगरपालिका २ ताप्लेको जुगेपानी भन्ने ठाउँमा सडक भासिएपछि सवारी साधन संचालन हुन नसकेको हो ।
शनिवार पनि सडक भत्किएपछि जेसिभी लगाएर सडक बनाइएको थियो । आईतवार रातीको पानीले फेरी सडक अवरुद्ध भएको र खुलाउने तयारी भईरहेको वडा अध्यक्ष रहमतुल्ला मियाँले जानकारी दिनुभयो ।
सडक भासिए पछि गोरखादेखि आरुघाट, घ्याम्पेशाल, बोर्लाङ लगायत ठाउँमा जाने यात्रु तथा मालबहाक सवारी साधन चल्न सकेको छैन । यस अघि पनि पहिरो बगिरहने उक्त ठाउँमा सडक भासिएपछि थप जोखिम बढेको छ । सडक माथिको बस्ती समेत जोखिममा परेको अध्यक्ष मियाँले बताउनु भयो ।
