गोरखा, १३ साउन । साउन १ गते देखि निरन्तर परेको बर्षाले बारपाक सुलिकोट—२ मान्द्रे फुसिनानको बस्ती जोखिममा परेको छ ।
आज गाँउपालिका अध्यक्ष बिष्णु प्रसाद भट्टसहितको टोलीले स्थलगत अनुगमन गरी पिडित १२ परिवारलाई त्रिपाल वितरण गरिएको उहाँका स्वाकिय सचिव रिजन विश्वकर्माले जानकारी दिनुभयो ।
वर्षाका कारण बस्ती माथीको सडकमा पहिरो गई भाँसिएकोले उक्त बस्ती जोखिममा रहेको उहाँले बताउनु भयो ।
उहाँका अनुसार १३ घर धुरी रहेको उक्त बस्तीमा एउटा परिवार गाँउ बाहिर रहेकाले १२ परिवारलाई दुई÷दुई वटाको दरले त्रिपाल वितरण गरिएको हो ।
माथीबाट खसेको पहिरोले अवरुद्ध सडक अहिले पन्छ्याएर आवतजावत गर्न मिल्ने बनाएको उहाँले बताउनु भयो ।
त्रिपाल वितरण कार्यक्रममा वडाध्यक्ष पुर्ण बहादुर गुरुङ, माओबादी केन्द्रका नेता तथा कार्यकर्ता र स्थानीयको उपस्थिती रहेको थियो ।
