स्याङ्जा, ५ साउन । स्याङ्जाको गल्याङ–६ पेलाकोटमा पोखरीमा डुबेर दुई जनाको मृत्यु भएको छ । बुधबार साँझ पेलाकोटस्थित सिँचाइका लागि बनाइएको पोखरीमा डुबेर गल्याङ–६ का ३३ वर्षीय बिन्द्र गुरुङ र उहाँको चार वर्षीया छोरी सोफियाको मृत्यु भएको हो ।
जिल्ला प्रहरी कार्यालयका प्रवक्ता रवीन्द्र खनालका अनुसार सोफिया पोखरीमा डुबेको देखेपछि उहाँको उद्धार गर्ने क्रममा बुबा बिन्द्र पनि डुब्नु भएको थियो । तत्काल उद्धार गरी वालिङस्थित गह्रौं प्राथमिक अस्पतालमा पुर्याइएकोमा चिकित्सकले दुवै जनालाई मृत घोषणा गरेका थिए । रासस
