गोरखा, २४ असार । जिल्ला प्रहरी कार्यालय गोरखाले गाँजा फडानी कार्यलाई तिव्र पारेको छ ।
जिल्लाको बिभिन्न स्थानहरुमा प्राकृतिक रुपमा उम्रिएका गाँजाको बोटलाई संरक्षण गरी विभिन्न व्यक्तिहरुले लागू औषधको रुपमा प्रयोग गर्न सक्ने भएकाले प्रहरीले फडानी अभियानलाई तिव्र पारेको हो ।
प्रहरीले स्थानीय क्लब, आमा समूह र अन्य सरोकारवाला निकायहरुसंग समन्वय गरी मातहत प्रहरी इकाईहरुबाट खटिएको टोलीले गाँजा फडानी गर्ने कार्यलाई निरन्तरता दिदैँ आएको छ ।
पछिल्लो एक सातामा मात्रै ८ हजार ४ सय २८ गाँजाको बोट नष्ट गरेको प्रहरी नायव उपरीक्षक लिलाराज लामिछानेले जानकारी दिनुभयो।
अभियान सुरु भए यता जिल्ला भरः उन्नतिस हजार ८ सय पैसठ्ठी गाँजाको बोट फडानी गरेको डिएसपी लामिछानेले बताउनु भयो ।
