गोरखा, १४ असार । राष्ट्रिय वृक्षारोपण दिवसको अवसरमा गोरखा नगरपालिका ८ आहाले स्थित सरस्वती माध्यमिक विधालयमा वृक्षारोपण गरिएको छ ।
आज विधालयको आयोजना तथा डिभिजन वन कार्यालयको सहकार्यमा फरेष्ट्री पढ्ने विधार्थीहरुको सक्रियतामा एक सय विरुवा वृक्षारोपण गरिएको विधालयका प्रध्यानध्यापक पुरुषोत्तम अर्यलले जानकारी दिनु भयो ।
विधालयको हाताभित्र सिमित रहेर कपुर, धुपीलगायतका विभिन्न प्रजातिका विरुवाहरु वृक्षरोपण गरिएको उहाँले बताउनु भयो । मेयर कृष्ण बहादुर राना मगरको प्रमुख आतिथ्यतामा सम्पन्न भएको कार्यक्रममा जनप्रतिनिधि,पत्रकार, स्थानिय टोल सुधार समिति, डिभिजन वन कार्यालय, विधालय ब्यबस्थापन समिति, शिक्षक लगायतको सहभागिता रहेको थियो ।
कार्यक्रमलाई सम्बोधन गर्नु हुदैं मेयर राना मगरले विधालयमा स्वाच्छ वातावरण निर्माणका लागी हरियाली कायम गर्नका लागी वृक्षारोपण कार्यक्रम प्रभावकारी हुने बताउनु भयो ।
उहाँले नगरपालिका भित्रका अन्य विधालयहरुले पनि विधालय परिसरमा वृक्षरोपण गरेर हरियली वातावरणमा बालबालिकाहरुले पठन पाठन गर्ने अवसर सिर्जना गर्नु पर्नेमा जोड दिनुभयो । उहाँले स्वाच्छ सफा र सुन्दर वातावरणमा विधालय भित्रको शिक्षण सिकाई प्रभावकारी हुने विश्वस व्यक्त गर्नु भयो ।
