गोरखा, २२ जेठ । गोरखा नगरपालिका गोरखाले आज वडा नम्बर ४ स्थित दारिम डाँडामा बृक्षारोपण गरेका छ । ‘बिश्व बातावरण दिवसको अबसर पारेर नगरपालिकाको आयोजना तथा वडा कार्यालयको संयोजनमा बृक्षारोपण गरेको नगरपालिका बन,बातावरण तथा बिपत व्यवस्थापन शाखाका प्रमुख धुव्र घिमिरेले जानकारी दिनुभयो ।
उक्त डाडामा झण्डै २ सय वटा बिरुवा रोपिएको उहाँले बताउनुभयो । वडा नम्बर ४ का वडाध्यक्ष लालप्रसाद भट्टराईको अध्यक्षतमा भएको कार्यक्रममा नगरपालिकाले आँप, लिची, बकाइने, चाप, धुपी, इमिली, हर्रो बर्रो, धुपी लगायतका फलफुल सहितको रुख बिरुवा लगाइएको घिमिरेले जानकारी दिनुभयो ।
कार्यक्रममा वडा नम्बर ४ का वडासदस्यहरु, बिभिन्न राजनीतिक दलका प्रतिनिधि, टोल बिकास संस्थाका पदाधिकारी लगायतको सहभागिता रहेको थियो ।
