गोरखा, ९ जेठ । गोरखा प्रहरीले दुई भिन्न भिन्न मुद्धाका फरार अभियुक्तलाई पक्राउ गरेको छ ।
पक्राउ पर्ने मध्ये एक जना आगोलागी मुद्धामा पाँच महिना सात दिन कैद तोकिएका गोरखा नगरपालिका ६ बस्ने २७ वर्षिय भरत राना रहेका छन् । रानालाई प्रहरीले लुकिछिपी बस्दै गरेको अवस्थामा आईतवार पक्राउ गरेको जिल्ला प्रहरी नायब उपरिक्षक लिलाराज लामिछानेले जानकारी दिनु भयो ।
यस्तै अर्को अभियुक्त सरकारी छाप किर्ते गरेको अभियोगमा जिल्ला अदालतबाट ११ महिना छ दिन कैद सजाया तोकिएका गोरखा नगरपालिका २ बस्ने ३२ वर्षिय फिरोज खानलाई प्रहरीले गत बैशाख ३१ गते पक्राउ गरेको हो ।
जिल्ला अदालत गोरखाको आदेश बमोजिम दुबै जना फरार अभियुक्तलाई सजायाँ भुक्तानका लागि कारागार कार्यालय गोरखामा पठाइएको छ ।
