गोरखा, १५ वैशख । गोरखामा भिरबाट खसेको ढुङ्गाले टाउकोमा लाग्दा एक पुरुषको मृत्यु भएको छ ।
धार्चे गाउँपालिका वडा नं ५ माछाखोलामा झोलुङ्गे पुलको ग्याभिन जाली भर्ने क्रममा अचानक भिरबाट ढुङ्गा खसेर लाग्दा सोही गाउँपालिका वडा नम्बर ४ लाप्राकका ३५ वर्षिय जीतबहादुर गुरुङको मृत्यू भएको जिल्ला प्रहरी कार्यालय गोरखाले जनाएको छ ।
घटना पछि टाउकोमा गम्भिर चोट लागेका गुरुङलाई उपचारका लागि हेलिकप्टर मार्फत काठमाडौंको टिचिङ अस्पताल लगिएको डिएसपी लिलाराज लामिछाने बताउनु भयो ।
उपचारको क्रममा हिजो बेलुका ८ बजे गुरुङको मृत्यु भएको डिएसपी लामिछाने जानकारी दिनु भयो ।
