काठमाडौं, २८ चैत । त्रिभूवन अन्तर्राष्ट्रिय विमानस्थलबाट एक युवती गोलीसहित पक्राउ परेको छ । भानु नगरपालिका— ७ तनहुँकी २७ वर्षीया सोविता नेपाली एक राउण्ड गोली सहित विमानस्थलबाट पक्राउ पर्नु भएको हो ।
नेपाल एयरलाइन्सको जहाजबाट आइतबार मलेसियाँ हुँदै जापान जान लाग्नु भएको नेपालीले बोकेको लेडिज ब्यागबाट एक थान गोली बरामद भएको त्रिभुवन अन्तर्राष्ट्रिय विमानस्थल सुरक्षा कार्यालयले जनाएको छ । पक्राउ पर्नु भएको नेपालीलाई थप अनुसन्धानका लागि प्रहरी वृत्त गौशाला पठाइएको छ ।
