गोरखा, २८ चैत । गोरखाको शहीद लखन गाउँपालिकामा ४० जनाले सिपमुलक तालिम प्रदान गर्न सुरु गरिएको छ । श्री भगवती हिमालय माध्यामिक बिधालयमा स्वरोजगार सृजना गर्ने उद्देस्य सहित निशुल्क सिपमुलक तालिम सुरु गरिएको हो । तालिम अन्र्तगत मोटरसाईकल मेकानिक्स तर्फ २० जना र प्लम्बर तर्फ २० जना सहभागी भएका छन् ।
आजदेखि सुरु भएको तालिम आउदो असार मसान्तसम्म सञ्चालन हुने आयोजकले जनाएको छ । प्राबिधिक शिक्षा तथा व्यवसायिक तालिम परिषद् (सिटीईभिटी ) पोखराको सहयोगमा तालिम सञ्चालन गरिएको हो । तालिमको आज एक कार्यक्रमका बिच गाउँपालिकाका अध्यक्ष रमेशबाबु थापामगरले उद्घाटन गर्नुभएको हो ।
तालिमको उद्घाटन कार्यक्रममा शहीद लखन गाउँपालिकाका प्रमुख प्रशासकीय अधिकृत जीव बहादुर आले मगर , गाउँपालिका वडा नम्बर ६ का अध्यक्ष दिलिप नारायण थापा, भगवती हिमालय माध्यामिक बिधालयका प्रधानध्यापक कृष्णराज पन्त लगायतको सहभागिता रहेको थियो ।बिधालय व्यवस्थापन समितिका अध्यक्ष खुनप्रसाद रेग्मीको अध्यक्षतामा कार्यक्रममा तालिमको उद्घाटन कार्यक्रम सम्पन्न भएको हो ।
