गोरखा २१, फागुन । गोरखा सदरमुकाम स्थित एक मोवाइल पसलमा चोरी गरेर भागेका दुई जनालाई प्रहरीले पक्राउ गरेको छ । सदरमुकाममा रहेको सुरज इलेक्ट्रोनिक्स मोबाइल पसलको झ्याल फुटाएर सामान चोरी गरेर भागेका गोरखा गण्डकी नगरपालिका–५ घर भई काठमाडौंको बुढानिलकण्ठ बस्ने २४ वर्षीय सुरेश गिरी र बाँके नेपालगन्ज उपमहानगरपालिका–५का २२ वर्षीय गणेश क्षेत्रीलाई प्रहरीले पक्राउ गरेको हो ।
उनिहरुलाई काठमाण्डौको गोंगबुबाट चोरीको सामान सहित पक्राउ गरिएको महानगरीय अपराध महाशाखाको टोलीले जनाएको छ । पक्राउ परेको अभियुक्तहरुको साथबाट बिभिन्न कम्पनीका ३७ थान सिलप्याक मोबाइल, मर्मतका लागि राखिएका १५ थान मोबाइल, एउटा गितार र २५ वटा स्मार्ट घडी समेत समेत बरामत गरेको प्रहरीको भनाई छ ।
बरामत गरिएको सामान करिब १६ लाख रुपैया बराबरको रहेको छ । पक्राउ परेकाहरुलाई थप अनुसन्धानका लागि महानगरीय प्रहरी बृच महाराजगन्जको जिम्मा लगाइएको महाशाखाले जनाएको छ ।
