गोरखा, ५ फागुन । गोरखा र लमजुङको सिमानामा रहेको चेपेनदीको दहमा डुबेर गोरखा बयापानीका १ पुरुषको मृत्यु भएको छ । सिरानचोक गाउँपालिका ३ बयापानीका ५२ वर्षीय सन्त बहादुर परियारको चेपे नदी घाटको तिसमुरे पानीको दहमा डुबेर मृत्यु भएको गोरखा प्रहरीले जनाएको छ ।
मानसिक अवस्था ठिक नभएका परियार घरबाट घुम्न निश्किएको तर अवेशरसम्म पनि घरमा नफर्किए पछि परिवारजनले खोजी गर्दा दहमा डुबेर मृत्त अवस्थामा फेला पारेको जिल्ला प्रहरी कार्यालय गोरखामा प्रहरी निरिक्षक धर्मबहादुर अधिकारीले जानकारी दिनुभयो ।
मृत्तक परियारको शव गोरखा अस्पतालमा पोष्टमार्टम पछि आजै परिवारलाई शब बुझाईएको जिल्ला प्रहरी कार्यालय गोरखाले जनाएको छ ।
