गोरखा ८, पुस । निर्माण व्यवसायी संघ गोरखाको अध्यक्षमा नेकपा माओबादी केन्द्र निकट व्यवसायी सुर्य भण्डारी बिजयी हुनुभएको छ । गएराती भएको निर्वाचनमा भण्डारी १३४ मत ल्याएर बिजयी भएको हो । भण्डारीको प्रतिस्पर्धी नेपाली काग्रेस निकट व्यवसायी होमबहादुर बानियाँले भने ९८ मत प्राप्त गरेर पराजित हुनुभएको हो ।
भण्डारी र बानियाँले छुट्टा छुट्टै प्यानल बनाएर निर्वाचनमा होमिएका थिए । मत परिणाम भने मिश्रीत आएको छ । अध्यक्षमा बानियाँले हार ब्यहोरे पनि उहाँका प्यानलबाट राजु लामिछाने सहित ५ जनाले जित हात पारेका छन् । मतदानबाट निर्वाचित हुनेहरुमा भोला मरहट्ट १३७ मत, राजुबावु लामिछाने १३१ मत, किरणबावु श्रेष्ठ १२६ मत, सबिन बस्नेत १२१ मत, देवराज गुरुङ ११६ रहेका छन् ।
त्यस्तै गरी सुरेन्द्र बस्नेत १११ मत, दिनेश तमु १०६ मत, बिनोद खनाल १०१ मत, दलमान गुरुङ १०० मत, ताराबहादुर खड्का ९८ मत र दिपक थापाले ९५ मत प्राप्त गरेका छन् । संघको बिद्यान अनुसार अब बस्ने नव निर्वाचित समितिको बैठकले ४ जनालाई समितिमा मनोनित गरेर ल्याउन पाउने छन् भने उपाध्यक्षदेखी कोषाध्यक्षसम्मको पदको जिम्मेवारी अध्यक्षले बाँडफाड गर्नेछ ।
नव निर्वाचित समितिको केही दिन भित्रै पदास्थापन हुने निर्वतमान अध्यक्ष बावुराम श्रेष्ठले जानकारी दिनुभयो ।
