गोरखा २४, मङ्सिर । गोरखामा ७३ औं अन्तराष्ट्रिय मानव अधिकार दिवसको सन्र्दभमा आज अन्तरक्रिया कार्यक्रम सम्पन्न भएको छ । सदरमुकाममा भएको अन्र्तक्रिया कार्यक्रममा सहभागीहरुले नेपालमा मानव अधिकारका बिषयमा बलियो रुपमा उठेपनि कार्यान्व्यन पक्ष फितलो रहेको बताएका छन् । अन्र्तक्रिया कार्यक्रममा अधिबक्ता रमेश अधिकारीले मानव अधिकार समेटिएका अवधारणा पत्र प्रस्तुत गर्नुभयो । मानव अधिकारको संरक्षण र सम्बर्दन निम्ति बनेका अन्तराष्ट्रिय महासन्धीहरु लगायतका बिषय समेटिएको अवधारणमा पत्रमा नेपाल मानव अधिकार संरक्षणका लागि भएका प्रयासहरु बिषयमा जानकारी गराउनु भएको थियो ।
अबधारणा पत्रमा सार्वभौमसत्ता र राजकीय सत्ता जनतामा निहिति गराउदै नागरिक सर्वोच्चता र स्वातन्त्रताको कदर गरिएको, बर्तमान संबिधान माफृत सवै प्रकारका भेदभाव, शोषण र अन्यायको अन्त्य गरिएको, नेपाललाई भाषिक तथा धार्मिक ढंगले निरपेक्ष तुल्याइएको यि बिषय नेपालको सकारात्मक पक्ष भएको उल्लेख गरिएको छ । अधिकारीले प्रस्तुत गर्नुभएको अबधारणा पत्रमा संबिधानमा संस्थागत गरिएका मौलिक हकहरुको छुट्टै कानुन बनाई कार्यान्वयन गर्ने भनिएको मावन अधिकारका सम्बन्धमा संवेदनशीलता तथा तदारुकता नदेखिएको गरिएको छ ।
त्यस्तै सर्वसाधारण नगारिकका आधारभूत अधिकारहरु पनि अझै जोखिममा रहेको, बैदेशिक रोजगारीमा गएकाहरु माथि श्रमशोषण, घरेलु हिंसा, हत्या, बलात्कार, मानव बेचबिखन जस्ता गतिबिधि सर्वसाधारणको जनजीवनमा असर परेको उल्लेख गर्नुभएको छ । कार्यक्रममा बोल्दै गोरखाका साहायक प्रमुख जिल्ला अधिकारी कोमलनाथ भण्डारीले मानव अधिकारको रक्षा र पालन गर्नु सवैको दायित्व र कर्तव्य हुन आउने बताउनुभयो ।
अन्तरक्रिया कार्यक्रममा अधिबक्ता यादव शर्माले मानव अधिकारका बिषयबस्तु भेक रहेको भन्दै मानव अधिकार हननका घटनालाई सवैले गम्भीरता पूर्वक उठाउनु पर्नेमा जोडदिनुभयो । उहाँले मानव अधिकारको क्षेत्रमा यसले गरेन भन्दा पनि सवैले आफ्नो आफ्नो ठाउँबाट भूमिका खेल्न सके अधिकारका क्षेत्र स्थापित हुदै जाने उल्लेख गर्नुभयो ।
अबधारणमा माथि बोल्दै महासंघ गोरखाका पूर्वअध्यक्ष भीमलाल श्रेष्ठले मानव अधिकारका नाममा जिल्ला प्रसस्तै संस्थाहरु भएपनि त्यसले खेल्ने भूमिका भने खासै नदेखिएको बताउनुभयो । उहाँले जिल्ला भित्र बिभिन्न सञ्जालमा टाउको देखिने गरेको भएपनि त्यस्ता समितिमा को को छन् भनेर पहिचान गर्न नसक्ने रहेको बताउनुभयो ।
कार्यक्रममा पत्रकार किरण लोहनीले जिल्लामा मानव अधिकारका सवालमा बहस हुने गरेको भएपनि भुकम्प पिडितहरुका सवाल, उत्तरी गोरखामा खाद्यान्य अभाव लगायतका अहिलेका प्रमुख बिषय मानव अधिकारका क्षेत्रबाट उठ्न नसकेको बताउनुभयो । उहाँले मानव अधिकार बिषय बालबालिकाले आफ्ना लागि आफै उठाउनु पर्ने, महिलाका लागि महिलाले उठाउनु पर्ने अबस्था अहिले पनि रहेको भन्दै यसले मानव अधिकारका एजेन्डालाई स्थापित गराउन नसक्ने उल्लेख गर्नुभयो ।
राष्ट्रिय मानव अधिकार संगठनको संयोजन तथा राष्ट्रिय मानव अधिकार सरोकार केन्द्र, एम्नेष्टी इन्टरनेसन समुह ७६, एम्नेष्टी इन्टरनेसनल समुह ४२, महिला मानव अधिकार रक्षक सञ्जाल, मानव अधिकार सञ्जाल र नेपाल पत्रकार महासंघको आयोजनामा कार्यक्रम सम्पन्न भएको हो । कार्यक्रम नेपाल मानव अधिकार संगठन गोरखाका अध्यक्ष डिलबहादुर बस्नेतको अध्यक्षमा सम्पन्न भएको हो ।
