गोरखा, ८ मङ्सिर : गोरखाको सहिद लखन गाउँपालिकाले आज पालिका भित्र सार्वजनिक बिदा दिएको छ । गुठी पञ्चमीको अबसरमा गाउँपालिकाले आज सार्वजनिक बिदा दिएको प्रमुख प्रशासकिय अधिकृत जीवन आलेमगरले जानकारी दिनुभयो । गुठी पञ्चमीको अबसरमा प्रसिद्ध धार्मिकस्थल मनकामना मन्दिरमा बिशेष मेला लाग्ने भएकाले पालिका भित्र सार्वजनिक बिदा दिने निर्णय गरेको उहाँले बताउनुभयो ।
सहिद लखन गाउँपालिकाले हरेक बर्ष गुठी पञ्चमकीको अबसरमा पालिका भित्र सार्वजनिक बिदा दिदै आएको उहाँको भनाई छ । बि.स २०७४ साल फागुन ६ गतेको गाउँ कार्यपालिकाको बैठकले निर्णय गरेर हरेक बर्ष गुठी पञ्चमीको दिन सार्वजनिक बिदा दिने गरेको प्रमुख प्रशासकिय अधिकृत आलेमगरले जानकारी दिनभयो ।
गाउँपालिकाले मंगलबार एक सूचना प्रकाशन गरि बिदा दिने जानकारी समेत गराएको छ । सार्वजनिक बिदाको दिन पालिका भित्र रहेका सवै पालिका मातहतका सरकारी कार्यालय, शैक्षिकसंस्था लगायत बन्द हुने गाउँपालिकाले जनाएको छ ।…दीपक श्रेष्ठ
