नागरिक सवाल
नवलपरासी १५, कात्तिक । पिसाब फेर्न भनेर गएकी युवतीको भीरबाट लडेर मृत्यु भएको छ । आज दिउँसो करिब सवा १२ बजे नवलपरासी पूर्वका विनयी त्रिवेणी गाउँपालिका वडा नम्बर २मा २७ बर्षकी भारतीय युवतीको पिसाब फेर्न जाँदा भीरबाट लडेर मृत्यु भएको प्रहरीले जनाएको छ ।
भारतीय नम्बर प्लेट युपी ७६ एसएल २५१० कारमा सवार ५ जना मध्ये भारतको उत्तर प्रदेश बस्ने २७ वर्षीया शान्ती श्री पिसाब फेर्न भनि सडकको ढिक साईडमा जाने क्रममा भिरबाट अन्दाजी १०० मिटर तल खस्नु भएको थियो । भीरबाट लडेर गम्भीर भाइते हुनुभएकी उहाँको मध्यबिन्दु जिल्ला अस्पतालमा उपचारका क्रममा मृत्यु भएको हो ।
घटनाको विषयमा थप अनुसन्धान भईरहेको प्रहरीले जनाएको छ ।
