काठमाण्डौं ७, कात्तिक । पृथ्वीराजमार्गमा गएराती गुडिरहेको यात्रुबाहक बसमा एक्कासी आगलागी भएको छ । सुर्खेतबाट काठमाडौं तर्फ जाँदै गरेको ना ६ ख १४७१ नम्बरको यात्रुवाहक बसमा गएराति गजुरीमा आगलागी भएको हो ।
आगलागीबाट बसमा पूर्णरुपमा क्षति पुगेको प्रहरीले जनाएको छ । इन्जिनबाट धुँवा निस्किने बित्तिकै बस रोकेर यात्रुहरु बाहिर निकालेका कारण कुनै मानवीय क्षति हुन नपाएको प्रहरीले जनाएको छ ।
बसमा ३६ जना यात्रु रहेका थिए ।बसमा आगो लाग्नुको कारण यकिन नभए पनि वायरिङमा सर्ट भएर आगो लागेको हुनसक्ने प्रहरीको अनुमान छ ।स्थानीय तथा प्रहरी मिलेर आगो नियन्त्रणमा लिएका छन् । आगो नियन्त्रणपछि मात्र दमकल घटनास्थल पुगेको थियो ।
