गोरखा २१, असोज । गोरखा सदरमुकाम नजिकै रहेको सेनाको गणका १२ जनाका बिहिबार कोरोना संक्रमणको पुष्टी भएको छ । गोरखा अस्पतालमा गरिएको नेपाली सेनाका ८० जनाको एन्टिजेन परीक्षणका क्रममा १२ जना पुरुषमा संक्रमण पुष्टी भएको स्वास्थ्य कार्यालय गोरखाले जनाएको छ ।
जिल्लाको ठिगुरेश्वरामा रहेको रिपु मर्दन गणका १२ जनामा संक्रमण देखिएको जिल्ला स्वास्थ्य कार्यालय गोरखाले जनाएको छ । केही दिन अगाडी मात्र भारतमा तालिम लिएर आएकाहरुको बिहीबार गोरखा अस्पतालमा एन्टिजेन परिक्षण गरिएको थियो ।
भोली पोखरामा रहेको प्रदेश स्वास्थ्य निर्देशनालयमा पीसीआर गर्ने योजना रहेको जनाइएको छ । गोरखा अस्पतालमा थप १ जना महिला र ८७ जना पुरुषको एन्टिजेन परिक्षण गरिएको थियो ।जिल्ला भित्र बिहीबार साँझ सम्म ४४ जना सक्रिय संक्रमित रहेको स्वास्थ्य कार्यालयले जनाएको छ ।
