चितवन ९, असोज । धादिङकी एक युवती चोरीको आरोपमा चितवनमा पक्राउ परेकी छिन् । धादिङ जिल्ला त्रिपुरासुन्दरी गाउँपालिका ५ बस्ने २४ बर्षिया पुष्पा सिटौला नगद तथा गरगहना चोरीको आरोपमा शुक्रबार पक्राउ गरिएको जिल्ला प्रहरी कार्यालय चितवनले जनाएको छ ।
भरतपुर महानगरपालिका १० बस्ने सावित्री दवाडीको घरबाट कोही नभएको मौका छोपि असोज ६ गते १:३० बजे विभिन्न गरगहना र नगद चोरी गरेको भन्ने सुचनाका आधारमा जिल्ला प्रहरी कार्यलय चितवनबाट खटिएको टोलिले सोही दिन बेलुका ४: ५० बजे भरतपुर महानगरपालिका ११ बाट चोरी गरेका नगद, गरगहना र ताल्चा फुटाउन प्रयोग गरेको रडसहित सिटौलालाई पक्राउ गरेको प्रहरी प्रवत्ता सुर्य थापाले जानकारी दिनुभयो ।
पक्राउ परेका महिलालाई चोरी तथा डाँका मुद्वा सम्बन्धि कसुरमा जिल्ला अदालतबाट म्याद अनुमति लिई थप अनुसन्धान भइरहेको चितवन प्रहरीले जनाएको छ।
