गोरखा ५, असोज । उत्तरी गोरखाको रुन्चेतमा भएको आगलागीमा परी घाईते भएकी महिलाले उपचार नपाउदा समस्यामा पर्नुभएको छ । धार्चे गाउँपालिका २ को रुन्चेतमा असोज १ गते राती गोठमा आगलागी हुदा गर्बी गुरुङ गंभिर घाईते हुनुभएको थियो।
असोज १ गते गोठमा सुत्ने क्रममा रातको समयमा अचानक आगलाी भएपछि गोठमा रहेको १३ वटा बाख्रा पनि आगोमा जलेर मरेका थिए । ४५ वर्षकी गर्वी गुरुङको आर्थिक अवस्थामा अत्यन्तै नाजुक भएका कारण उहाँको परिवारले सदरमुकाम सम्म ल्याएर उपचार गराउन नसकेको एक स्थानियले बताए ।
तर यो बिषयमा गाउँपालिकामा जानकारी गराउदा पनि पालिकाले वास्ता नगरेको पिडीत परिवारले गुनासो गरेका छन् ।गोठमा सुतिरहेका बेला अचानक भएको आगलागीबाट शरीरभरी अनुहार र शरिरको विभिन्न भागमा पोलेको थियो ।
सडक सञ्जालले नजोडिएकाले उत्त स्थानबाट पिडितलाई उपचार गराउन हेलिकप्टर मार्फत लैजानु पर्ने र परिवारको आर्थिक अवस्थामा कमेजोर भएकै कारण हेलीकप्टर चार्टर गर्न नसकिएको पिडित परिवारजनले जानकारी दिए । आगलागी भएको थाहा पाए लगत्तै छिमेकी गोठमा बास बसेका मानिसहरुले उनको उद्धार गरेको थियो
