गोरखा २५, भदौं । गोरखा जिल्लामा आज एन्टिेजन परीक्षण गरिएका मध्ये झण्डै ५० प्रतिसतमा कोरोना पुष्टी भएको छ । जिल्लाको गोरखा अस्पताल, पालुङटार नगरपालिका र धार्चे गाउँपालिकामा कोरोना परीक्षण गरिएका २३ जना मध्ये ११ जनामा संक्रमण देखिएको स्वास्थ्य कार्यालय गोरखाले जनाएको छ ।
शुक्रबार विभिन्न स्थानिय तहमा ११ जना महिला र १२ जना पुरुषमा गरिएको एन्टिजेन परिक्षणको क्रममा ३ जना महिला र ८ जना पुरुषमा संक्रमण देखिएको छ । संक्रमण देखिएकाहरुमा गोरखा अस्पतालमा १ जना पुरुष, पालुङटार नगरपालिकामा २ जना महिला र १ जना पुरुष तथा धार्चे गाउँपालिकामा १ जना महिला र ६ जना पुरुषमा संक्रमण देखिएको छ ।
आज थप ११ जनामा संक्रमण देखिए संगै गोरखामा सक्रिय संक्रमितको संख्या बढेर ६२ जना पुगेको कार्यालयले जनाएको छ ।
