गोरखा, २० भदौ । गोरखा नगरपालिका भित्र रहेको बिद्यालयहरु भाद्र २८ गतेदेखी सञ्चालन गर्न पालिकाले अनुमती दिएको छ ।
आइतबार नगरपालिकामा बसेको नगर शिक्षा समितिको बैठकले आगामी सोमबारदेखि बिद्यालय सञ्चालन गर्न अनुमती दिएको हो ।
बैठकले हाल सञ्चालनमा रहेको बैकल्पिक सिकाइ सहजीकरण क्रियाकलालाई निरन्तरता
दिदै आउदो सोमबार देखी २५० जनासम्म बिद्यार्थीभएका बिद्यालय तथा शिक्षालयहरुले बिद्यालयमा पाठ्यक्रमले निर्दिष्ट गरेका उद्वेश्य र क्रियाकलापहरु तोकिए बमोजिमको स्वास्थ्य मापदण्ड पूरा गरेर मात्र सञ्चालनको अनुमती दिएको हो ।
२५० जना भन्दा बढी बिद्यार्थीहरु भएका बिद्यालय तथा शिक्षालयहरुले भने बिद्यालय ब्यवस्थापन वा सञ्चालक समितिबाट कार्यविधी स्विकृत गराई एक पटकमा ४ घण्टाको समयावधी नघट्ने गरी बिद्यालय तथा शिक्षालयमा भौतिक उपथितिमा पाठ्यक्रमले निर्दिष्ट गरेका उद्वेश्य र क्रियाकलापहरु गर्दा स्वास्थ्य मापदण्ड पूरा गरेर मात्र सञ्चालन गर्न भनेको छ ।
गोरखा नगरपालिकाका शिक्षा शाखा प्रमुख चन्द्र खड्काका अनुसार गोरखा नगरपालिका भित्र ४९ सामुदायिक बिद्यालय र १८ निजी बिद्यालयहरु छन् । त्यसमा करिब १६ हजार बिद्यार्थीहरु अध्ययनरत रहेको खड्काले बताउनुभयो ।
