गोरखा ५ भदौं । गोरखाको सिरानचोक गाउँपालिका पहिरोमा परि ज्यान गुमाएका परिवारलाई काग्रेस केन्द्रिय सदस्य मोहनबहादुर बस्नेतको पहलमा सहयोग उपलब्ध गराइएको छ । सिरानचोक गाउँपालिका वडा नम्बर ७ उपल्लो गोहोरेमा गएको जेठ १८ गतेराती घरमाथि बाट खसेको पहिरोले पुरिएर ज्यान गुमाएका रमन प्रसाद पाण्डे र नन्द कुमारी पाण्डेको परिवारलाई ५० हजार रुपैया आर्थिक सहयोग प्रदान गरिएको हो ।
शनिबार तनहुँको दमौलीमा गोरखाका र तनहुँका पहिरो पिडितलाई आर्थिक सहयोग गरिएको नेपाली काँग्रेस तनहुँका सचिव बिश्व बास्तोलाले जानकारी दिनुभयो । पहिरोमा परि मृत्यु भएका परिवारलाई पूर्वमन्त्री समेत रहनु भएका बस्नेत र जिल्ला समन्वय समिति तनहुँका प्रमुख शान्तिरमण वाग्लेले उक्त सहयोग रकम हस्तान्तरण गर्नुभएको हो ।
त्यस्तै पहिरोमा परि ज्यान गुमाउने व्यासनगरपालिका–१ निर्मलबस्ती निवासी सरस्वती घर्ती,बन्दिपुर गाउँपालिका–३ तामुङका सरस्वती थापा र हरिमाया सार्की, ऋषिङ गाउँपालिका–७ की देवीसरा थापा,वडा नं ८ का खुमबहादुर आलेको परिवारलाई आर्थिक सहयोग गरिएको हो । उहाँहरुको परिवारलाई प्रतिपरिवार पच्चीस हजारका दरले आर्थिक सहयोग गरिएको उहाँले जानकारी दिनुभयो ।
