गोरखा २, भदौं । गोरखाको भीमसेन थापा गाउँपालिकाले आजदेखि सवै पालिकाले प्रदान गर्दै आएका सवै सेवा तत्कालका लागि बन्द गरेको छ । कोभिड संक्रमणको जोखिमका कारण जिल्ला भर कडा निषेधाज्ञा लागू भएपछि गाउँपालिकाले आजेदेखि भदौं ११ गतेसम्मका लागि पालिकाले प्रदान गर्दै आएको अत्याबश्यक बाहेकका सेवा बन्द गर्ने निर्णय गरेको जनाएको छ ।
गाउँपालिकाले एक सूचना जारी गरि भीमसेन थापा गाउँपालिका पनि कोरोना संक्रमणको उच्च जोखिममा रहेकाले थप सम्भावित संक्रमणलाई मध्यनजर गर्दै गाउँ कार्यापालिकाले कार्यालय बन्द गर्ने निर्णय गरेको जनाएको छ ।
सूचनामा पालिका भित्रका स्वास्थ्य कार्यालयले प्रदान गर्ने सेवा, तथा वडा कार्यालयहरुबाट प्रदान हुने अत्याबश्यक बाहेका सवै सेवाहरु बन्द गरिएको उल्लेख गरेको छ ।
