गोरखा ३०, साउन । गोरखा जिल्लामा आज थप १८ जना कोरोना संक्रमित थपिएका छन् । । जिल्लाको ६ स्थानिय तहमा गरिएको एन्टिजेन परिक्षणका क्रममा संक्रमित भेटिएका हुन । गोरखा अस्पताल, आरुघाट, धार्चे, शहिद लखन, भिमसेन थापा र सिरानचोक गाउँपालिमा गरिएको एन्टिजेन परिक्षणका क्रममा १८ जनामा संक्रमण देखिएको स्वास्थ्य कार्यालय गोरखाले पुष्टी गरेको हो ।
२५ जना महिला र २३ जना पुरुषमा एन्टिजेन परिक्षण गर्दा ११ जना महिला र ७ जना पुरुषमा संक्रमण देखिएको छ । संक्रमण देखिएका मध्ये गोरखा अस्पतालमा १ जना महिला र ४ जना पुरुष, आरुघाट र धार्चे गाउँपालिकामा १–१ जना महिला र पुरुषमा संक्रमण देखिएको छ । त्यस्तै गरी शहिद लखन गाउँपालिकामा ६ जना महिला, भिमसेन थापा गाउँपालिकामा १–१ जना महिला र पुरुषका साथै सिरानचोक गाउँपालिमा २ जना महिला र १ जना पुरुषमा संक्रमण देखिएको छ ।
जिल्लाबाट प्रदेश स्वास्थ्य निर्देशनालयमा पठाईएको पीसीआर परिर्पोट भने केही दिन देखी नतिजा प्राप्त गर्न नसकिएको कार्यालयले जनाएको छ । आजै कार्यालयले केही गाउँपालिमा ६० जना महिला र ५३ जना पुरुषको स्वाब संकलन कार्य सम्पन्न गरेको छ । शनिबार साँझ सम्म जिल्लाको विभिन्न स्थानिय तहमा ५१८ जना सक्रिय संक्रमित रहेको पनि कार्यालयले जनाएको छ ।
