काठमाडौं, २९ साउन । प्रहरीले अवैध लागूऔषध सहित २ जनालाई पक्राउ गरेको छ । लागूऔषध ३ सय ९९ थान डाइजेपाम, ३ सय ९० थान नुफिन, ४ सय थान फेनारगन र ९ सय चक्की नाइट्राभेट सहित उनिहरुलाई बिहिबार दिउँसो प्रहरीले पक्राउ गरेको हो ।
पक्राउ पर्नेहरुमा सोही ठाउँ डेरा गरी बस्ने सिन्धुपाल्चोक लिसांङ्खु गाउँपालिका ७ घर भएका ४२ वर्षीय बुद्ध गुरुङ र काठमाडौं कपन जोरधार बस्ने उदयपुर गढी गाउँपालिका ७ घर भएका ३० वर्षीय शिब कुमार गिरी रहेका छन् ।
उनिहरुलाई बुढानिलकण्ठ नगरपालिका १२ कपन मुस्कान चोकबाट पक्राउ गरिएको हो । दुबै जना माथि थप अनुसन्धान भइरहेको छ ।
