गोरखा २६, साउन । गोरखा नगरपालिकाकी उपमेयर बिनाकुमारी श्रेष्ठलाई कोरोना संक्रमण पुष्टि भएको छ । केही दिन देखी अस्वास्थ्य रहेकी श्रेष्ठको मंगलबार प्राप्त पीसीआर नतिजामा पोजेटिभ देखिएको हो । केही दिन अघिदेखी कोरोनासँग मिल्दोजुल्दो लक्षण देखिएपछि आइतबार पिसिआर परिक्षण गराएको र आज पोजेटिभ रिर्पोट आएको उपमेयर श्रेष्ठले बताउनुभयो ।
उहाँ आफ्नै घरमा होम आइसोलेसनमा सुरक्षित बस्नुभएको छ । नगरपालिकाका केही कर्मचारीहरुमा गएको साता देखी संक्रमण देखिन थालेको र कार्यालयको काममा असहजता भएको भन्दै सोमबारदेखी अत्यवश्यकीय सेवा बाहेकका सम्पूर्ण सेवाहरु अनिश्चितकालका लागी बन्द गरेको छ ।
