सल्यान २४, साउन । गोठालोबाट घर फर्कने क्रममा खोलाले बगाउँदा हिजो साँझ एकजनाको मृत्यु भएको छ भने अर्का एक घाइते भएका छन् । सल्यानमा खहरे खोलाले बगाउँदा एक बालकको मृत्यु भएको छ भने बालककी आमा घाइते हुनुभएको छ । छत्रेश्वरी गाउँपालिका –४ जुरढुंगाका अन्दाजी १२ वर्षीय ओमकार ओलीको मृत्यु भएको हो ।
स्थानीय चोरपाटा खोलाको गोगन पानीमा आएको खहरेले खोलाले बालकलाई बगाएको वडाध्यक्ष नेव बहादुर खड्काले जानकारी दिनुभयो। खहरे खोलाले बगाउँदा बालकको शव करिब सय मिटर तल फेला परेको थियो । शवको पोष्ट मार्टमपछि परिवारलाई अन्येष्टीका लागि बुझाइने प्रहरीले जनाएको छ ।
