गोरखा २०, साउन । गोरखा जिल्लामा आज एकैदिन ९५ जनाको एन्जिेटन परीक्षण गर्दा ३५ जनाका कोरोना पुष्टी भएको छ । जिल्लाका बिभिन्न ४ स्थानिय तहमा गरिएको एन्टिजेन परिक्षण गर्दा संक्रमितहरु थपिएको स्वास्थ्य कार्यालय गोरखाले पुष्टी गरेको छ । गोरखा अस्पताल, पालुङटार नगरपालिका, भिमसेन थापा र आरुघाट गाउँपालिकामा ९५ जनामा गरिएको एन्टिजेन परिक्षणका क्रममा ३५ जनामा संक्रमण देखिएको स्वास्थ्य कार्यालय गोरखाले पुष्टी गरेको हो ।
संक्रमण देखिएका मध्ये ५३ जना महिला र ४२ जना पुरुषमा एन्टिजेन परिक्षण गर्दा २० जना महिला र १५ जना पुरुषमा संक्रमण देखिएको छ । कार्यालयले आज उपलब्ध गराएको रेकर्ड अनुसार गोरखा अस्पतालमा २ जना महिला र ३ जना पुरुष, पालुङटार नगरपालिकामा १ जना महिला र ३ जना पुरुष, आरुघाट गाउँपालिकामा २ जना महिला र १ जना पुरुष तथा भिमसेन थापा गाउँपालिकामा १५ जना महिला र ८ जना पुरुषमा संक्रमण देखिएको छ ।
प्रदेश स्वास्थ्य निर्देशनालय पोखराबाट पीसीआर परिक्षणको नतिजा प्राप्त नभएता पनि आज जिल्लाको विभिन्न पालिकामा ४८ जना महिला र ४९ जना पुरुषको पीसीआर संकलन गरिएको कार्यालयले जनाएको छ । बुधबार साँझ सम्म जिल्लाको विभिन्न स्थानिय तहमा ६१५ जना सक्रिय संक्रमित रहेको कार्यालयले जनाएको छ ।
