गोरखा १९, साउन । अबैध लागू औषध कोकिन सहित प्रहरीले गोरखाका युवकलाई पक्राउ गरेको छ । जिल्लाको बारपाक सुलिकोट गाउँपालिकाको वडा नम्बर ५ स्थित लाकुरीबोट स्थायी घर भएका ४५ बर्षका सुरज गुरुङ सहितल ९ जनालाई प्रहरीे पक्राउ गरेको लागू औषध व्युरोले जनाएको छ ।
यहीँ साउन ५०० ग्राम कोकिन सहित पक्राउ परेकाहरु माथि अनुसन्धान गर्दै जादाँ उनिहरुले दिएको सूचनाका आधारमा गुरुङ सहित थप व्यक्ति पक्राउ परेको व्युरोले पुष्टी गरेको हो । नेपाल प्रहरीले एक किलो १२ ग्राम लागूऔषध कोकिनसहित नौ जनालाई पक्राउ गरेको छ । पक्राउ पर्नेमा काठमाडौँ महानगरपालिका–३ रानीवारीका ४३ वर्षीय अञ्जु थापामगर, ३९ वर्षीया मुना तामाङ गुरुङ, २८ वर्षीय रक्की आलेमगर, २३ वर्षीया रायल थापामगर रहेका छन् ।
त्यस्तै अन्य पक्राउ परेकाहरुमा भारत दक्षिण गोवाका ३९ वर्षीय सन्दीप पटेल, धादिङ नीलकण्ठ नगरपालिका–११ का २७ वर्षीय मिराज ढकाल, काठमाडौँ महानगरपालिका–१३ का ४९ वर्षीय सुदन शाक्य र धादिङ नीलकण्ठ नगरपालिका–११ का २७ वर्षीय मछिन्द्र धमला ब्यूरोका प्रवक्ता, प्रहरी उपरीक्षक जीवनकुमार श्रेष्ठले जानकारी दिनुभयो । पक्राउ परेकाहरु माथि थप अनुसन्धान भइरहेको प्रहरीले जनाएको छ । यस अघि प्रहरीले कोकिनमा मुख्य तस्करी मानिएका गोरखाका एक युवकलाई पनि पक्राउ गरिसकेको छ ।
