गोरखा १६, साउन । गोरखा जिल्लामा पहिलो मात्राको खोप लगाएका मध्ये झण्डै ४८ हजार १६३ जना दोस्रो मात्राको खोपको पखाई रहेका छन् । जिल्लामा कोभिशिल्ड खोप लगाएका १५ हजार ९ सय ३९ जना र भरोसेल खोप लगाएका ३२ हजार २२३ जना दोस्रो डोजको खोपको पखाईका रहेको स्वास्थ्य कार्यालय गोरखा कोल्डचेन निरीक्षक ऋषिराम खत्रीले जानकारी दिनुभयो ।
जिल्लाभर अहिलेसम्म ६५ हजार ६ सय ७८ जना नागरिकले पहिलो मात्राका खोप लगाएको उहाँले बताउनुभयो । यो १८ बर्ष माथिका झण्डै ४१ प्रतिसत हुन आउने कोल्चेन निरीक्षक खत्रीको भनाई छ । निरीक्षक खत्रीले जिल्ला भित्र जिल्ला भित्र १७ हजार ५१५ जना नागरिकहरुले दुवै मात्रा खोप लगाई सकेको जानकारी दिनुभयो ।
यो पहिलो मात्राको खोप लगाएका मध्ये करिब २६ प्रतिसत हो । जिल्लामा कोरोना खोप लगाएका मध्ये ५५ हजार २२८ जनाले कोभिशिल्ड र भेरोसिल खोप लगाएका उहाँले बताउनुभयो । अमेरिकामा उत्पादन भएको एक डोज मात्र लगाए पुग्ने जोन्सन एण्ड जोन्सन खोप भने अहिलेसम्म करिब १० हजार ४४९ जनाले लगाएको कोल्डचेन निरीक्षक खत्रीले जानकारी दिनुभयो ।
